Blogg lífsglaða vörubílstjórans

Skafa skafa endalaust!!

2006-11-22T16:05:00.000Z

Hæ allir, lítið að frétta af mér. Búinn að vera að vinna meira og minna síðan ég man eftir mér. Ég lenti í mjög vandræðalegu atviki hér um daginn.. Það var þannig að ég var einn heima og dreif mig í sturtu, sem er ekki frásögufærandi nema þegar ég reif upp baðherbergishurðina og ætlaði að þramma fram kviknakinn..... Nei, stóð þá ekki hann Sigurður frá Aðalbóli (pabbi Sindra og Davíðs) í forstofunni og missti andlitið ofan í annan skóinn sinn og ég um leið púnginn í parketið!! Og þá sagði Sigurður: Hva, hélstu að þú værir einn í heiminum? Uhh nei nei, bara átti ekki von á neinum... Svo var ekkert sagt meira þann daginn... Siggi náði að skafa andlitið uppúr skónum og sletta því framan sig og ég með marblett á púngnum.....!!! Í morgun hitti ég svo Sigurð í fyrsta skipti eftir þetta atvik.. Samtalið var svohljóðandi... Hann: Góðan daginn. Ég: Já, góðan dag. Hann: Bara fínasta veður? Ég: Jájá það er bara mjög stillt. Hann: Já. Ég: Jæja best að fara að sofa. Hann: Já...
Ég læt þetta duga í bili.. Betri er púngur í brók en í parketi....

C.S.I. Egilsstaðir

2006-09-25T23:51:00.000Z

Hver skaut köttinn? Já það er komið upp eitt allavakalegt sakamál á Egilsstöðum. (eða svakisaki eins og má bera það fram á kínversku). Þannig standa málin að köttur margkunnugs manns hér í bæ kom alblóðugur heim af djammi lagðist fyrir og blæddi út. Við nánari skoðun réttarlækna kom í ljós að kötturinn hafði verið skotinn!! Hefur lögreglan hér í bæ nokkra grunaða um verknaðinn og þeir eru:

Gæsaskytta sem var á veiðum á Fljótsdalsheiði (notar svokallaða longshot byssu)
Nágranni kattareigandans (sem segist hafa skotið í átt að ketti sem var að veiða fugla)
Cat Stevens (kötturinn Stefán) sem lætur enga ketti veiða fugla á hans svæði leyfislaust

Já þetta gerir lögreglu virkilega erfitt fyrir en þeir geta víst ekki útilokað neinn af þeim. En hvað finnst ykkur? Hver af þessum er líklegastur til að hafa framið glæpinn?

Draumaparadís aldraða! Egilsstaðir...

2006-09-01T18:05:00.000Z

Já eins og allir vita sem hafa sína búsetu á Egilsstöðum þá er búið að selja Valaskjálf. Það þýðir að þar verða ekki haldin fleiri böll eða fleiri skemmtanir. Café KHB var lokað með þeim afleiðingum að margir eru bókstaflega hættir að drekka. En takið eftir! góðu fréttinar eru að það er verið að byggja nýtt elliheimili!!! já flott!!. Í hjarta bæjarins á að rísa þetta 4stjörnu elliheimili með frábærri íþróttaaðstöðu, sundlaug og golfvelli. Vá fjúff ég sem hélt að Egilsstaðir væru að deyja!. Mjög stutt í alla þjónustu mitt á milli ÁTVR og Bónus hvað þarf gamla fólkið meira en það? Fínn stemmari að vera gamall kall mekkölvaður á golfvellinum að skjóta niður fólk í kring. En hvernig væri nú að finna húsnæði fyrir okkur unga fólkið til að skemmta sér? Einhverjar hugmyndir?....
segir hver drulluflott sjálf!!

Blaðinu snúið við...

2006-07-17T23:55:00.000Z

Halló Benni heiti ég og ég á heimasíðu. Er að spá í að segja heimasíðunni upp og fá mér kærustu í staðinn!! Hef nú ekki nennt að færa hér inn fréttir af mér uppá síðkastið en ætla mér nú að skrifa nokkrar línur. Ég er til dæmis hættur að drekka, já ég brá mér inná Vog og dvaldi þar í 12daga. Þetta var orðið gott hjá mér og áfengi á bara alls ekki við mig, og tel mig vera kominn í hóp betri manna. Til dæmis má nefna Dabba Skúla (Kónginn), Ingvar (Klikkalinginn), Alla (Tarfinn), Gísla (vantar viðurnefni) og Steina (Biðilinn). Allt saman eru þetta ágætis kappar og fitta ég þess vegna vel inní hópinn. En ég ætla nú ekki að hafa þetta lengra í bili.. bless

Júlía það ER til sleipiefni!!

2006-05-06T18:31:00.000Z

Jæja nú er komin sú stund að færa hér inn á þessa síðu það sem hefur gerst í lífi lífsglaða vörubílstjórans undanfarið. Ég skráði mig inná einkamal.is bara svona að ganni, þetta er mjög gaman maður er kannski búinn að vera að tala við einhverja stelpu eitthvað og bara allt í lagi en svo sendir hún mynd!!! Og maður svona OJ BARA mæli með því að þú hættir á einkamál og farir í megrun í staðinn. En þetta á nú sem betur fer bara við svona 80% kvenna þarna inni svo að það eru nokkrar í lagi :) Við skelltum okkur suður um síðustu helgi, ég Hjörtur, Steini, Kolla og Begga. Það var mjög gaman að djamma í bænum með Steina, Júlíu og Eika þar sem Steini hafði athygli allra kvennmanna á svæðinu, ok jú ég fékk nú smá :) Fórum í partý á Gleðvelli 3 á Selfossi til Ásu og Evu það var alveg fínt partý og gekk á með miklum veggjakrotum og taekwando spörkum uppí kjálkann á Beggu! Það var reyndar alveg óvart þar sem bróðir minn æfir taekwando og drekkur bjór um helgar þá á hann til með að kunna sig ekki nálægt stelpum og missir sig gjörsamlega og sparkar þær hiklaust í kjálkann!!!. Á Sunnudeginum fórum við svo í húsdýragarðinn með Hjört og Steina. Steini var búinn að grenja utan í okkur alla helv.. helgina með að fara svo við ákváðum að gleðja hans hjarta og auðvitað Hjört líka :) Já það má með sanni segja að helgin hafi verið allsrosaleg í þetta skiptið og enduðu allir þreyttir og helir á húfi heim nema Begga....

Til hamingju Egilsstaðir!

2006-04-13T21:28:00.000Z

Hvað er hægt að gera sér til skemmtunar í þessum bæ? Í síðustu Dagskrá sem kom út var auglýst Páskafjör á Austurlandi. Allt í lagi maður var spenntur að lesa hvað væri að gerast á Egilsstöðum heil opna í skránni með allskonar skemmtunum niður á fjörðum, böllum með meiru. En nei það eina sem stendur í boði hér er að fara í Kirkju og vera við messu!!! meira að segja 2 messur!!. Já til hamingju Egilsstaðir ég get bara ekki sagt annað. Eini pöbbinn hérna auglýsti ekki einu sinni að það væri opið! Þessu verður bara að fara að breyta, vekja djammið hér aftur til lífs hvernig sem við förum nú að því... hmmm. Aðalgatan í bænum er orðin ónýt svo stórar holur eru komar í götuna að maður þarf að vanda sig við að sviga fram hjá þeim.. alveg kominn tími á að fara að laga þetta. En jæja yfir í aðra sálma, ég er með Hjört yfir páskana við ætlum að gera eitthvað geggjað saman veit bara ekki alveg hvað.. fórum í Bónus í dag að kaupa páskaegg og fleira. Hjörtur vildi fá páskaegg nr.3 frá Nóa og Siríus ég hélt nú ekki fannst það vera allt of lítið og aumingjalegt þannig ég valdi egg nr.9 frá Freyju og samdi við hann um að ég myndi fá smá af því:) Og í leiðinni að hann mætti alls ekki segja mömmu sinni frá því að hann hefði fengið svona stórt egg. Hann horfði á mig með þannig svip að ég túlkaði hann sem "mæ libs ar síld" svo að hún fréttir þetta ekkert heheh.
Benninn með haglarann í bílnum kveður...

Dagur 5 í mottukeppninni

2006-03-21T12:19:00.000Z

Já það má með sanni segja að andlit mitt og eflaust allra þátttakenda sé farið að láta á sjá vegna óvenjulegs skeggvaxtar á efri vör, já góðir hálsar mottan er mætt... ussp ussp (mottuhljóðið). Ef þið vitið ekki hvað mottuhljóðið er þá er það þegar eitthvað t.d rjómi verður eftir í mottunni og maður sýgur hann af með neðri vörinni þá kemur svona ussp hljóð :) En fyrsti fundurinn var haldinn á Hetjunni síðastliðið föstudagskvöld, mæting var nú frekar slöpp en fundurinn var þó mjög góðmenntur samt fyrir utan helv... pólverjann sem var með mikil drykkjulæti og leiðindi. Losuðum okkur við hann með því að gefa honum stórann bjór með tvöföldum vodka útí, hann lét sig hverfa fljótlega eftir það glas.. hehehehe. Ég, Trölli og Steinó ákváðum svo í einhverri vitleysu að fara á Reyðarfjörð!! náðum að plata Sigrúni og Tinnu stinnu til að fara með. Það var s.s ágætt fórum á Café Kósý og spiluðum af okkar bestu getu í pool allan tímann(og shit hvað ég sökkaði). Var heima á laugardagskv með Hirti hann var kominn með hita greyið og erum búnir að hanga heima alveg síðan í vægast sagt dvd-glápi dauðans. Hann er nú allur að braggast og segist ætla að mæta galvaskur í leikskólann í fyrramálið til að heilla alla krakkana þar og sérstaklega stelpurnar sem grenjuðu úr sér augun í gær og morgun af því að hann mætti ekki heheh.
Benni kveður í bili alveg stjarfur....ussp!

Það er komið að því

2006-03-10T19:34:00.000Z

Mottukeppni
Eftir mikla íhugun um dvala fólks á svæðinu erum við félagarnir að fara að hrinda af stað næstu mottukeppni.. Óska ég eftir mönnum og konum sem vex skegg til að heyja harða keppni.. Þessi keppni verður með svipuðum hætti og sú síðasta nema að hún verður freestyle.. en samt má mottan ekki ná nema 1 cm niður fyrir munnvik..Og tekur um 1 1/2 til 2 mán(fer eftir samkomulagi)Skráning er til 18 mars og verður þá fyrsti mottufundur haldinn.. nánar auglýstur síðar!!!Endilega láta þetta berast.. (copy/paste) á ykkar blogg!!skráning í sima 899-1049 eða hér..Be there or be square!!!!!!!! Það er töff að vera með mottu...Kveð kampakátur!!

Tími á blogg?

2006-03-03T21:08:00.000Z

Já það er kominn tími á smá skrif. Það er nú eitthvað búið að gerast síðan ég bloggaði síðast. Ég seldi krossarann, keypti mér bíl engan Landrover eða þannig heldur chevy camaro sem Eiki bró átti þegar ég var 12 ára, ekki spyrja ég bara varð.. Café KHB lokaði með stæl vonandi kaupir bara einhver resturinn og opnar nýjan stað... Svo er ég nýfluttur úr Útgarði 6 og í Miðgarð 2, en kannski það markverðasta sem hefur gerst er það að ég fór í klippingu!!! klapp klapp veiii já ég veit það var kominn tími til, ég var hættur að sjá fram fyrir mig vegna mikils magns af hári... Það er pabbahelgi núna sem er frábært eins og alltaf :). Svo vil ég þakka fyrir öll kúriboðin sem hafa borist í minn garð sem er reyndar bara eitt og ég hef ekki hugmynd hver það er..... þannig að þessi deitblogg eiga sér greinilega ekki fótfestu.... allavega ekki á Egilsstöðum. En ég keypti mér eina happaþrennu um daginn vann auðvitað ekkert, en svo var ég að skoða bakhliðina sá að það var smátt letur ritað niður í horninu, rýndi augunum í það og þar stóð "ef þú ert svo heppin(n) að vinna eina milljón þá vinnuru maka með að eigin vali" ekki hafði ég nú hugmynd um þetta!!! En ætla ekki að hafa þetta lengur í bili en ég ætla að biðja þá sem skoða hjá mér síðuna að vera svo væn að commenta.. og skilja eftir nafn. Takk takk

Kúrifélagi óskast....

2006-02-19T22:28:00.000Z

Hmm... já ég er orðinn leiður á þessu bévítans konuleysi!! Ég fer alltaf einn að sofa í kingsize rúminu mínu og hef ekkert með allt þetta pláss að gera nema jú um pabbahelgar þegar Hjörturinn minn lúllar hjá mér :). Já og þá er ekkert annað að gera en að óska bara eftir einhverri til að kúra með mér á kvöldin :) það væri mjög vel þegið. Þið annað hvort kommentið á síðunni (ef þið þorið) eða sendið mér bara póst á bennibumba@hotmail.com. Hef nú ekki mikla trú á að þetta virki en það má alltaf reyna...
Benni kveður í bili með smá von...

Vííí það var ælt á mig!

2006-02-13T22:06:00.000Z

Sindri Freyr ælupúki ældi á mig þannig að það er best að byrja...

4 staðir sem ég hef unnið á:

Herðir
Héraðsverk
Malarvinnslan
Sláturhús Fossvöllum

4 bíómyndir sem ég get horft á aftur og aftur:

The Game
The Long Kiss Goodnight
A Man Apart
Lethal Weapon 1. 2. 3 og 4

4 staðir sem ég hef búið á:

Fríríkið Fljótsdalur
Egilsstaðir
Fellabær
því miður get ég ekki nefnt fjórða staðinn því ég hef bara búið á þremur :/

4 sjónvarpsþættir sem ég hef gaman að horfa á:

The O.C. (ég veit stelpur en svona er ég bara)
Lost
Prison Brake (hef samt bara séð einn)
Close to Home

4 uppáhalds geisladiskar:

á engan uppáhalds geisladisk

4 staðir sem ég hef verið í fríi á:

Madrid
Budapest
Amsterdam
Torshavn í Færeyjum

4 síður sem ég skoða daglega:

http://barnaland.is/barn/15631
síðan mín
hugi.is
mbl.is

4 besti maturinn:

Kjöt í karrý (það verður að vera nr.1)
Rjúpur
Þorramatur
Nautasteik

4 staðir sem ég vildi vera á núna:

Heima hjá Sindra til að þakka honum fyrir æluna
Þar sem konur ganga um naktar allan daginn
Heima í Dvergalandi
Bara einhversstaðar annarsstaðar!

Mig langar ekki til að æla á neinn þannig að þetta er orðið gott :D

Þriðjudagur

2006-02-07T18:37:00.000Z

Hæ var búinn að lofa að láta vita hvernig skyrtan hefði virkað á blótinu. Það gekk nú bara þannig að hún laðaði að sér konur sem kannski báru sama aldur og skyrtan, og eins og áður kom fram hér þá er skyrtan komin á fimmtugsaldurinn þannig að hún er kannski best geymd inní skáp bara. :) Við feðgar brugðum okkur suður til Reykjavíkur um síðustu helgi ég skráði mig á árshátíð Eimskips sem var haldin á Laugardeginum en auðvitað hitaði maður aðeins upp á Föstudagskvöldinu. Við Eiki bró djömmuðum á Gauknum þar var byrjað mjög sakleysislega í pool en endaði svo í allt öðrum sálmum..... :D heh og yfir í allt aðra sálma. Árshátíðin var mjög fín ég ,Ingvar Birkir og Þórlaug Alda kærasta hans fórum saman og borðuðum hörpudisk, risarækju, humarseið, nautakjöt og súttulaðiköku í eftirrétt ummm KÖKA!!!! Svo var sullað í sig töluverðu magni af hvítvíni, rauðvíni og bjór. Skemmtiatriðin voru mjög góð og svo var ball á eftir með hljómsveitinni Buff. Ég nennti samt ekki að vera lengi við Eiki ætluðum niður í bæ en.... ég var því miður ekki í ástandi til að vera lengur úti. En helgin kom ágætlega út bara Hjörtur var í pössun hjá Júlíu frænku sinni bæði kvöldin, en ætla ekki að hafa þetta lengur í bili...

40 ára gömul skyrta....

2006-01-28T16:47:00.000Z

Er ekki málið að skella sér á þorrablót í kvöld? Jú er það málið auðvit. Maður spyr nú alltaf eins og fífl. En ég var að gramsa í fataskápnum núna áðan og fann þar eina hippapippaskyrtu af pabba gamla sem hann keypti sér fyrir um 40árum síðan!! hef ákveðið að fara aðeins aftur í tímann og ganga í henni í kvöld... ég meina hann hlýtur að hafa veitt eitthvað með skyrtunni!!. Ég læt svo vita hvernig heppnaðist hér síðar. Svo er það árshátíð Eimskips um næstu helgi í bænum. Við Hjörtur höfum ákveðið í sameiningu að fara suður, sömdum samt þannig að ég færi á árshátíðina og hann fengi að vera hjá Júlíu, Lilju, Kristófer og Almari á meðan :) díll. Jæja verð að hætta þessu bulli jakkafötin eru farin að kalla á mig....

Pabbahelgi :)

2006-01-21T19:47:00.000Z

Jájá pabbahelgin er gengin í garð. Sótti Hjört hinn elskulega son minn í leikskólann í gær kl 16:00 og fór með hann í pössun til Aðalheiðar litlu syst þangað til ég var búinn að vinna. Höfðum það bara rólegt í gærkvöldi, hann söng "dansi dansi dúkkan mín" aftur og aftur horfðum aðeins á sjónvarpið og fórum snemma að sofa. Í dag fórum við svo í sveitina að heimsækja gamlan bónda þar (eða afa hans). Hann hafði mjög gaman að fá okkur í heimsókn yfirgáfum svo teitið þegar kom í ljós að Ísland var að grútapa fyrir Frökkum í handbolta. En núna í augnablikinu hefur honum Hirti mínum tekist að troða sér ofan í ferðatösku hehe algjör snilli og vill bara vera þar og láta draga sig um allt :). Gísli húsbóndinn á heimilinu er að elda kvöldmatinn sem er að þessu sinni Hrefnukjöt..... hmmm.. bíð spenntur eftir að vita hvernig smakkast en Hilma lýsti ánægju sinni með því að hún ætlar að snæða kvöldverð heima hjá mömmu sinni... Í fyrramálið förum við svo í Íþróttaskólann sem er mjög gaman þar hittast allir krakkarnir á leikskólanum og fereldrar þeirra og sprella saman gaman HAHAH nei þetta var ekki alveg svona fyndið...... En jæja ætli maður verði ekki að hætta í bili því það er komin Hrefna á borðið....

að kynnast mér...

2006-01-15T18:23:00.000Z

Af hverju sleikir fólk hvort annað? Já ég hef verið að hugsa þetta aðeins þar sem ung dama kom æðandi að mér á Laugardagskvöld, bara til þess að sleikja á mér kinnina!! svo fór hún bara hehe bara fyndið. 'Eg held samt bara að hún hafi ætlað að tala við mig hafi bara gleymt því sem hún ætlaði að segja við mig og í staðinn ákveðið að reka út úr sér tunguna og láta hana vaða á kinnina á mér. Já hún náði þá alveg að bjarga sér út úr þessu vandræðalegu momenti sem átti sér stað þarna og alls ekki gert sig að fífli neinei alls ekki heheh. En já þetta er svona þetta helsta sem gerðist hjá mér þessa helgina, það er búið að kyngja hér niður alveg heilum helling af snjó víí bara gaman. Fæ alltaf þá ranghugmynd í hausinn á mér að fólksbíllinn minn sé jeppi þegar það kemur snjór, fer út að keyra alveg rosalega gaman alveg þangað til að ég pikkfesti bílinn í einhverjum skaflinum heheh gaman að því. En nóg af bulli í bili.....
Benni farinn út á jeppanum.....

Áramótin í bænum....

2006-01-02T02:05:00.000Z

Já ég ákvað að skella mér suður um áramótin til að hitta Helgu :) og upplifa þessar rosalegu sprengingar og læti hér fyirir sunnan. Þær byrjuðu eiginlega kl 22:00 í gær og stóðu alveg til 00:30 í nótt. Ekki alveg það sem maður er vanur á Egilsstöðum þar sem þetta tekur yfirleitt svona 10 ti l15 mín, en mjög gaman ég hringsnerist hérna úti á götu alveg eins og hálfviti til að sjá allt sjóvið alveg geggjað, svo fórum við Eiki á Broadway þar sem Skímó og í Svörtum fötum voru að spila alveg ágætt sko vorum ekkert í svaka gír þannig við vorum komnir heim um 5 leytið bara mjög nettir gaurar... :) En svo tekur alvaran við á morgun þá er brottför til Egilsstaðir city heim til Hilmu og Gísla, svo þarf maður að fara að vinna ohhhhhhhh asskot! En Gleðileg nýtt ár öllsömul og takk fyrir það gamla. Benni kveður úr bænum....

Jólaskapið?

2005-12-22T17:26:00.000Z

Jæja hefur einhver rekist á jólaskapið á ferðinni einhversstaðar? Kannski Davíð Skúla hafi rekist á það, hann hefur nú rekist á allt annað undanfarið. Sem dæmi má nefna hreindýrin sem hann keyrði á um daginn. Ekki nóg með það því hann rakst líka á símanúmerið á Vogi á einhverju blaði sem hann var lesa, asnaðist til að hringja og skráði sig inn. Bara gott hjá honum samt vonandi stendur hann sig í þessu strákurinn. Svaf samt yfir mig í morgun, var að tala við Helgu í rúmlega tvo tíma í nótt:) þuldi upp fyrir hana allann jólagjajalistann minn sem var alveg þrennt á, s.s bolur, boxer eða leðurarmband. Veit samt að hún kaupir ekkert af þessu, hef á tilfinningunni að gjöfin verði meira svona óvænt......:)
En ef einhver rekst á jólaskapið einhversstaðar þá má sá láta mig vita.
Benni kveður á Akureyri.

skammarbréf til jólasveinsins!....

2005-12-18T15:32:00.000Z

Verð nú að fá að segja að mér varð pínu bilt við þegar kom í ljós hvað jólasveinninn gaf í skóinn í nótt, en það var ekkert annað en pílubyssa, lögregluskjöldur, handjárn og meðfyljandi lyklar!. Stóð skilmerkilega á pakkingu að dót þetta væri ekki við hæfi barna yngri en þriggja ára. Þar sem sonur minn er einungis 2ja og hálfs árs, vil ég biðja viðeigandi jólasvein sem gaf aðfararnótt sunnudags í svart nokia stígvél í glugga að Útgarði 6 að gefa sig fram og biðjast fyrirgefningar, eða vinsamlegast skila inn (gef í skóinn)skirteininu. Sonur minn hefur gert sér það að leik í dag að skjóta hér pílum í hné blásaklausra heimilismanna með þeim afleiðingum að þeir hníga niður í gólf svo að hægt sé að svipta þeim frelsinu með viðeigandi handjárnum! Já maður getur ekki annað en hugsað um hvort að jólasveinarnir séu nokkuð til lengur. Hvað varð um þessa síhlægjandi skemmtilegu karla sem veittu börnunum gleðina og hamingjuna? Sögðu þeir upp? Fengu þeir ekki nóg borgað? Eru þetta núna fangar af Litla-Hrauni sem hafa fengið það starf að spilla börnunum?
Benni kveður með miklar áhyggjur og vangaveltur af framtíðinni

ha! er Benni farinn að blogga?

2005-12-18T14:12:00.000Z

Jæja það þarf varla að bíða lengur því hann Benni er byrjaður að blogga. Heh hver hefði nú trúað því? En þetta var nú aldrei beint á dagskrá en mér var tjáð það í dag að blogga væri töff. Svo að ég get varla setið á þessu lengur, já maður verður nú að vera töff. :) Húsbóndinn á heimilinu, betur þekktur undir nafinu Gísli er að gera alla íbúa í blokkinni geðveika, með því að vera að fræsa og slípa uppúr forstofugólfinu. Það á nefnilega að setja hita í gólfið og flísaleggja á eftir. Á þessu hefur hann byrjað eldsnemma á morgnana með meðfylgjandi látum, kemur nú hreinlega á óvart hversu umburðarlyndir íbúar hér eru því enginn er búinn að kvarta undan þessum ósköpum. Hitti nú nágranna okkar í gærdag (Gunna í samkaup frekar skrýtinn gaur) það var frekar fyndið sko, hann kom askvaðandi til mín greip í öxlina á mér og spurði með skelfingarsvip, "hvað er að gerast þarna á erfi hæðinni eila?" Hehe ekki (efri) eins og fóllk myndi flest segja :) en jæja þetta er nú orðið gott í bili.
Benni kveður úr látunum í blokkinni...........